बुढानीलकण्ठ नगरपालिकाले “स्वदेशमै वसीं, स्वदेशमै काम गरी” भन्ने नीतिअन्तर्गत निःशुल्क लोकसेवा तयारी कक्षा सञ्चालन गर्न लागेको छ। इच्छुक तथा योग्य नागरिकहरूले बैशाख २० गते भित्र दिनभित्र अनलाइन फाराम वा नगरपालिकाको प्रशासन महाशाखामा आवेदन दिन सक्नेछन्।

कक्षा नायब सुब्बा तथा सहायक पाँचौँ तहको प्रथम, द्वितीय र तृतीय पत्रको तयारीका लागि सञ्चालन हुनेछ। छनोटमा स्थानीय बासिन्दा, विपन्न, एकल महिला, लोपोन्मुख समुदाय, अपाङ्गता भएका व्यक्ति तथा विज्ञापित पदहरूमा दरखास्त दिएका आवेदकहरूलाई प्राथमिकता दिइनेछ।

आवेदन दिनका लागि नेपाली नागरिकताको प्रमाणपत्र, शैक्षिक प्रमाणपत्र, फोटो लगायत आवश्यक कागजातहरू अनिवार्य छन्।

आवेदन फाराम https://forms.gle/YnEidY3UYbLZGrnu6 लिंकमार्फत भरिनेछ।

थप जानकारीका लागि कार्यालयको फोन नं. ०१-४३७२७२५ मा सम्पर्क गर्न सकिने जनाइएको छ।